Mi yiu chikito (±2 aña) ta masha cabesura, con mi por maneha esey?

Ta conoci cu un peuter/toddler (±2 aña) por ta masha cabesura y hostina y e ta keda insisti pa e haya su kier. Ta un comportacion problematico, pero e ta un parti importante di su desaroyo.

E mucha ta descubri cu e ta un persona cu ta riba su mes, independiente di su mayornan, cu su mes opinion y su propio boluntad. Y naturalmente esey ta un descubrimento masha importante mes.
E fase di cabesura (entre un aña y mey y cuater aña) ta pues un fase importante den cua casi tur mucha ta pasa aden.

Algun conseho con pa trata cu bo yiu cabesura:

  • No spera demasiado di bo yiu, p.e. 10 minuut di concentracion caba ta suficiente.
  • Duna bo yiu suficiente atencion.
  • Mustr’e comprension: Mi sa, dushi, bo no ta di acuerdo, pero …
  • Encurasha bo yiu: Bo a hacie bon, hopi bon!
  • Tene hopi pasenshi.
  • No dun’e atencion pa tur cos, ignora certo comportacion.
  • Determina limite y regla cu claridad.
  • Ora bo yiu ta trankil atrobe, dun’e atencion; p.e. dun’e un compliment.

 

Si bo ta desea di ricibi mas informacion tocante e topico aki, bo por tuma contacto cu nos trahadornan via telefon of mail.

Tienda di Educacion © 2016 | Algemene voorwaarden