Muchanan entre 12 y 18 aña

 

Con mi ta tene un combersacion cu mi yiu adolescente?

Algun conseho:

  • Mustr’e interes sincero.
  • Combersa cu ne, pero no lag’e ta un interogacion.
  • Haci pregunta neutral y habri.
  • Percura pa bo yiu sinti su mes sigur.
  • Evita duna orden cu reaccion contrario, por ehempel pidi bo yiu drecha mesa y rabia cu ne si e ta nenga.
  • Tribi expresa bo emocionnan.
  • Hinca bo mes den sapato di bo yiu adolescente.
  • Demonstra cu bo ta confia bo yiu adolescente.
  • No spera cu bo yiu adolescente ta conta bo tur cos.
  • No sinti bo ofendi ora e no kier papia cu bo.
  • Papia cu ne, mientras cu bo ta haci trabou di cas.

Si bo ta desea di ricibi mas informacion tocante e topico aki, bo por tuma contacto cu nos trahadornan via telefon of mail.

 

Con mi ta negosha cu mi yiu teenager?

Algun conseho con pa negosha:

Scucha bo yiu teenager, pero lag’e scucha bo tambe.

Pensa hunto tur sorto di solucion, sin reaciona riba nan cu "Esei ta ridiculo!" of "Si, t’asina e cos ta y punto!" y mucho menos cu "Si, pero ...".

Studia cua solucion ta factibel pa boso dos.

Hunto ta scoge for di nan un solucion y ta palabra cu ta bay purba e solucion ey. Aki ta di

gran importancia pa tur dos partido ta di acuerdo cu otro.

Yega na un acuerdo bon defini tocante, p.e. trabou di cas: yuda drecha mesa y/of laba co’i kibra no ta un acuerdo bon defini. Bon defini ta: ken ta yuda drecha mesa, ken ta laba co’i kibra y cuanto biaha y ki dia.

Despues di un tempo delibera pa wak si boso tur dos ta satisfecho cu e acuerdo cu boso a cera. Si no t’asina, mester ahusta e palabracionnan of mester busca un otro solucion y cera un acuerdo cu otro.

Si bo ta desea di ricibi mas informacion tocante e topico aki, bo por tuma contacto cu nos colaboradornan via telefon of mail.

 

 

 

 

 

 

 

 

 

 

 
 

 

Tienda di Educacion © 2016 | Algemene voorwaarden