Muchanan entre 0 y 1 aña
Ki dia mi por cuminsa duna cuminda solido y kico mi por duna?
• Entre 4 y 6 luna bo por cuminsa cu cuminda machica di berdura y fruta. Tene cuidou cu specerij, salo y sucu pasobra bo baby su tripanan ta custumbra cu lechi so kiermen bo baby su tripanan ta sensitivo.
• No dun’e ainda demasiado smaak door di otro, laga bo baby custumbra poco poco.
• Si bo baby no kier come ainda, no fors’e mucho. Bo baby tin suficiente ainda na lechi di pecho of boter.
• For di 6 luna, si bo ta duna boter, bo por haci e lechi mas diki door di hinca papa aden.
• Comemento di e baby no semper mester cana ordena. Laga bo yiu mishi cu e cuminda tambe.
Pa preguntanan tocante cuminda semper por puntra Wit Gele Kruis.
Si bo ta desea di ricibi mas informacion tocante e topico aki, bo por tuma contacto cu nos trahadornan via telefon of mail.
Mi baby por drumi hunto cu mi den cama?
Esta dushi, no? Bo baby ta cerca di bo. Sigur ora el a caba di nace!
• Percura pa bo baby ta safe; p.e. no pone cusinchi banda di dje.
• Percura pa e baby ta drumi mas halto cu bo: di e forma aki bo no por lora accidentalmente riba bo baby.
• Tene cuidou pa bo yiu no cay den e spleet di e matras ora e ta lora.
Ta miho pa laga bo baby drumi den su mesun cama. Si bo ta desea, bo por pone e cama di bo baby den bo camber.
Si bo ta desea di ricibi mas informacion tocante e topico aki, bo por tuma contacto cu nos trahadornan via telefon of mail.
