Tema specifico
Un routina diario pa drumi ta hopi importante.
Un routina di drumi lo por laga bo yiu drumi mas liher, mas mihor y mas largo. Tuma tempo pa e routina bay mas tranqil, nunca e routina mester bay riba un rush.
Semper ta bon pa cuminsa na un edad mas jong cu ta posibel cu un routina pa drumi. Si e mucha ta mas grandi, no preocupa djis purba di tuma e stapnan pa e routina di drumimento. Uza un routina di drumi kiermen purba di haci e mesun actividadnan na mesun ora, mesun manera tur dia.
Nos ta duna un ehempel di un routina di drumi, dimes tur mayor por scohe otro sequensia di e routina:
• Baña bo yiu na un orario fiho
• Skeiro djente di bo yiu (si ta un baby uza bo dede cu un gaasje pa limpia su boca)
• Bisti pyama
• Pone bo yiu riba su cama
• Lesa un buki/canta un cantica/laga bo yiu conta un storia/resa
• Duna bo yiu un sunchi/brasa
• Paga lus grandi y sende lus chikito
• Bisa bon nochi
• Sera porta full of lag’e un tiki habri
Maske bo ta haci uzo di un routina di drumi fiho bo yiu lo por purba di lanta foi su cama.
Tin mucha ta keda cu dificultad di drumimento of drumi den nan mesun camber.
Nos ta duna un ehempel di kico bo por haci si bo yiu ta sali for di camber:
• No discuti
• Nombra e emociona cu bo yiu ta mustra na e momento ey ( tristesa, rabia, miedo)
• Tambe por nombra e comportacion cu e ta demonstra ( yora, sapatia, zeur pa coi bebe, zeur cu e tin cu pishi)
• Hib’e bek den su camber y bis’e cu awo ta ora di drumi
Si bo yiu ta sigi sali for di su camber
• Hib’e den su camber y bis’e un delaster biaha cu awo ta ora di drumi
Si esaki ta sigi sosode
• Ta hib’e den su camber sin duna atencion y sin papia
Tin biaha bo mester ripiti esaki hopi largo y varios anochi pa bo wak cambio.
Tip: Si bo partner tey boso por tuma turno pa hiba bo yiu bek den su camber. Esaki ta siña bo yiu cu boso tur dos ta riba un liña over con boso yiu mester comporta ora di drumi.
Nos ta duna un ehempel con bo por yuda bo yiu bay drumi den su mesun camber riba su cama:
• Percura pa bo baby drumi riba su mesun cama
• Asina cu e no ta bebe lechi mas marduga ta pone su cama den su camber.
• Haci su camber trankilo pa e no haya dimas estimulo
• Por uza un luz chikito
• Por uza un babyphone pa bo por scucha of wak bo yiu
